A Axencia Galega de Innovación (GAIN) publica a convocatoria de Unidades Mixtas de Investigación
- As Unidades Mixtas de Investigación son unha fórmula importante de achegamento entre o mundo empresarial e o científico/técnico para desenvolver liñas de investigación e valorización conxuntas
O pasado 7 de marzo a Axencia Galega de Investigación publicaba no BOE a resolución das bases da convocatoria Unidades Mixtas de Investigación. O prazo para a presentación de solicitudes estará aberto dende o 8 de marzo ata o 7 de abril.
A Convocatoria de Unidades Mixtas de Investigación conta cos seguintes obxectivos:
- Configurar grupos mixtos de traballo entre organismos de investigación e empresas que se convertan en catalizadores do desenvolvemento de liñas de I+D+i.
- Desenvolver proxectos de alto impacto intensivos en coñecemento.
- Poñer en valor os grupos de investigación.
- Aproximar os organismos de investigación á empresa.
- Atraer a Galicia liñas de I+D+i.
- Incentivar a transferencia de resultados da I+D+i ao mercado.
A Convocatoria de axudas está dividida en tres fases:
- Modalidade A – 1ª fase: Axudas para a creación e posta en marcha de novas unidades mixtas de investigación (IN853A)
- Modalidade B – 2ª fase: Axudas para a consolidación de unidades mixtas de investigación (IN853B)
- Modalidade C – 3ª fase: Axudas para centros mixtos de investigación (IN853C)
Quen pode ser beneficiario destas axudas?
As agrupacións entre un organismo de investigación de Galicia e unha ou varias empresas, que formen parte dunha unidade mixta de investigación.
No marco desta convocatoria consideraranse organismos de investigación:
- Os Centros tecnolóxicos e de apoio á innovación tecnolóxica de Galicia
- As Universidades do sistema universitario galego
- Os Centros en Galicia do Consello Superior de Investigacións Científicas
- As Fundacións de investigación sanitaria de Galicia
- Outros organismos de investigación de Galicia que teñan definida nos seus estatutos a I+D como actividade principal
As empresas integrantes das unidades mixtas de investigación poderán ser pequenas, medianas e grandes.
Unicamente, poderán ser beneficiarios das axudas da modalidade B as unidades mixtas de investigación beneficiarias dunha axuda da Axencia Galega de Innovación para a súa creación e posta en marcha da convocatoria do ano 2018.
Así mesmo, unicamente poderán ser beneficiarios das axudas da modalidade C as unidades mixtas de investigación beneficiarias dunha axuda da Axencia Galega de Innovación para a súa consolidación das convocatorias dos anos 2017 e 2018.
Tipo e intensidade das axudas
- Tipo de convocatoria: convocatoria en réxime de concorrencia competitiva.
- Tipo de axuda: axuda a fondo perdido.
- Orzamento total convocatoria: 12.000.000,00 € para o período 2022 – 2025.
- Intensidade da axuda: 40% do orzamento subvencionable, cun máximo de 3.000.000,00 €.
- Orzamento mínimo subvencionable:
- Modalidade A: 1.800.000 €
- Modalidade B: 2.000.000 €
- Modalidade C: 3.500.000 €