Prazas completas! Programa de Capacitación | Conéctate de xeito seguro: ciberseguridade para PEMEs Galegas
Este programa de capacitación de 10 horas está organizado pola Cátedra Económica de Ciberseguridade da USC en colaboración coa Amtega.
Os obxectivos do curso son:
-
Introdución á ciberseguridade e ameazas actuais. Descubre como funcionan as ameazas cibernéticas e que podes facer hoxe para protexerte de ataques cada vez máis organizados e sofisticados.
-
Enxeñaría social: como nos enganan. Aprende a identificar e evitar trampas como o phishing ou o vishing, que se aproveitan da confianza humana para roubar información.
-
Malware: máis alá dun antivirus. Coñece como actúa o malware, os seus métodos de infección e as claves para protexerte máis aló do típico antivirus.
-
Ciberseguridade para PEMEs: Riscos Reais, Solucións ao Teu Alcance. Se tes unha pequena ou mediana empresa, esta sesión axudarache a protexela con ferramentas eficaces e accesibles.
-
Erros comúns de configuración: a porta aberta ao cibercrime. Evita as vulnerabilidades máis frecuentes revisando configuracións clave e adoptando boas prácticas que marcan a diferenza.
Tras finalizar o curso celebrarase unha sesión de titoría presencial (pendente de definir ubicación), tamén orientada a fomentar o networking entre os participantes
As prazas son limitadas: máximo de 15 persoas. A selección farase por orde de inscrición.
Programa:
01 de outubro | CIBER RISCO. A QUE NOS ENFRONTAMOS
1. Introdución ao concepto de ciber risco e formas en que poden afectar ás persoas.
2. Que buscan os ciber delincuentes de nós. A supply chain do ciber crime.
3. Os incidentes de seguridade. Tipos de incidente e boas prácticas para axudarnos a protexernos.
8 DE OUTUBRO | ATAQUES DE ENXEÑARÍA SOCIAL
1. Que son os ataques de enxeñaría social.
2. Tipos de ataques: phishing, vishing, smishing e outros “-ing”.
3. Técnicas de manipulación que utilizan os ciberdelincuentes.
4. Identificación de sinais dun ataque de enxeñaría social e medidas de prevención.
15 DE OUTUBRO | FALANDO DE MALWARE
1. Conceptos básicos sobre o malware e os tipos de malware.
2. Métodos de infección e sinais ás que debemos prestar atención.
3. Boas prácticas para previr infeccións ou para responder ante unha.
4. Caso práctico e sesión de preguntas das persoas participantes
22 DE OUTUBRO | SOLUCIÓNS E FERRAMENTAS DE CIBERSEGURIDADE PARA PEMES
1. A importancia da ciberseguridade en pemes
2. Ferramentas esenciais de ciberseguridade sen grandes investimentos
3. Boas prácticas e estratexias orientadas ás pemes
4. A concienciación como ferramenta para converternos en firewall humano
5. Caso práctico de uso de AKIRA como ferramenta de análise de vulnerabilidades
29 DE OUTUBRO | TOP 10 CONFIGURACIÓNS INCORRECTAS E COMPORTAMENTOS ERRÓNEOS EN CIBERSEGURIDADE
1. Erros habituais na configuración de sistemas e aplicacións
2. A importancia das persoas como barreira de protección
3. Exemplos prácticos e rolda de preguntas.
4. Inclúe informe de vulnerabilidades gratis con AKIRA para as 5 primeiras empresas inscritas.
Imparte:
dooingIT
é unha empresa de servizos de ciberseguridade fundada en 2019 co obxectivo de democratizar a ciberseguridade e facela accesible a todo tipo de públicos, sectores e tamaños de empresa. Ademais de ofrecer servizos técnicos e normativos de ciberseguridade, dooingIT desenvolve produtos accesibles para todos, como: AKIRA, análise automática de vulnerabilidades; LeakGuard, servizo de ciberintelixencia ou Academy, programa de concienciación en ciberseguridade para todos os públicos.
Impartido por
Paz Cariñena
Bernardo Viqueira Hierro
Máis Información
- Prazas limitadas: 15 prazas (a selección farase por orde de inscrición)
- A capacitación é de un total de 10h, 2 horas por cada sesión
- Celebrarase unha sesión de titoría presencial ao finalizar a capacitación
- Para emitir un certificado de participación será obrigatorio asistir como mínimo ao 80% das sesións.
Cátedra Economía da Ciberseguridade USC-INCIBE financiada por Unión Europea NextGeneration, PRTR a través de INCIBE
Cando?
01 Out 2025Onde?
Quen participa?
- dooingIT
- Paz Cariñena
- Bernardo Viqueira Hierro
Para quen?
Para o público xeral, persoas traballadoras, empresarias ou autónomas que traballen no seu día a día con sistemas de información. Sesión de carácter divulgativo orientada á concienciación e boas prácticas na seguridade na información.
