Retegal | Gaiástech

Retegal dispón de ampla experiencia na difusión de sinais de radio e televisión (TDT e FM) e de máis de 150 centros de radiodifusión distribuídos por todo o territorio da comunidade autónoma de Galicia, dende os que ofrece elevados índices de cobertura poboacional e servizos de valor engadido (cabeceira, EPG, MHP/HbbTV, monitorización de emisións, transporte IP de audio e vídeo, etc), tanto en réxime de servizo integral como O&M.

Retegal, en calidade de operador neutro, ofrece a operadores de telecomunicación, AAPP e empresas en xeral, o servizo de aluguer das súas infraestruturas. Máis de 300 emprazamentos que facilitan o despregamento de servizos de telecomunicación na comunidade autónoma de Galicia, minimizando o impacto ambiental ao evitar a necesidade de duplicar infraestruturas. Inclúe espazo en torre e caseta ou parcela, acceso ao punto de enerxía (DC e AC), interconexión a sistemas radiantes e O&M.

Servizos de datos con diferentes tipos de conexión e acceso a Internet de alta velocidade, soportada pola rede de transporte de RETEGAL, baseada en MPLS e DWDM (máis de 1.800 km de fibra óptica que conecta 30 das súas estacións, e radioenlaces dixitais de backup en banda licenciada), que constitúe unha infraestrutura ideal para dar conectividade a centros rurais, ou interconectar puntos dispersos e aillados a altas velocidades.

Explotaciòn e mantemento de redes e infraestruturas e asesoramento en materia de telecomunicacións:
1. Selección, despregue, legalización e xestión de infraestruturas e servizos
2. Selección de equipamento, asistencia para a posta en marcha e formación de persoal
3. Realización de proxectos chave en man con ampla experiencia en: difusión de radio e televisión, despregamento de infraestruturas, redes de comunicación e de emerxencia