Ciberseguridade hoxe: ameazas actuais e retos da era post-cuántica.
A charla ofrecerá unha introdución accesible ao panorama actual da ciberseguridade, abordando os principais ciberataques, as súas consecuencias e o papel da intelixencia artificial e do factor humano.
Presentaranse ademais medidas de protección alcanzables e os novos desafíos expostos pola computación cuántica. Finalmente, introduciranse ARQADE, a criptografía post-cuántica e a distribución cuántica de claves como solucións para protexer as comunicacións do futuro.
Programa:
- Ciberseguridade e por que é importante
- Exemplos de ciberataques e as súas consecuencias nas organizacións
- Principais ameazas actuais
- A IA como actor crave en ciberseguridade
- Importancia do factor humano
- Medidas básicas e alcanzables de protección
- ARQADE e seguridade cuántica
Imparte:
ITG
é un centro tecnolóxico privado que, desde 1991, impulsa a competitividade empresarial mediante tecnoloxía, innovación e I+D. Conta con capacidades avanzadas en intelixencia artificial, enerxía, mobilidade non tripulada e computación cuántica. Neste ámbito, é Centro de Excelencia Cervera desde 2023 e participa en dous proxectos estratéxicos: ARQA, orientado a aplicacións de computación cuántica para a empresa, e ARQADE, centrado en computación cuántica accesible e dual para Defensa e sectores estratéxicos.
Impartido por
David Martín Castro
é enxeñeiro informático con máster en Ciberseguridade pola Universidade Carlos III de Madrid. Actualmente traballa como Enxeñeiro de I+D en Comunicacións Cuánticas en ITG, onde participa no desenvolvemento de solucións de ciberseguridade baseadas en criptografía post-cuántica (PQC) e distribución cuántica de claves (QKD). Tamén conta con experiencia previa no ámbito de defensa, desenvolvendo sistemas seguros.
Cando?
15 Dec 2026Onde?
Quen participa?
- ITG
- David Martín Castro
Para quen?
Empresas do ámbito civil, seguridade e defensa interesadas en incorporar Intelixencia artificial e tecnoloxías cuánticas aplicada á ciberseguridade para detectar ameazas, anticipar riscos, automatizar a resposta e reforzar a protección dos seus sistemas, datos e activos dixitais.