Presentación do científico David Glowacki

07 Xuñ 2022 11:00-11:50H

Streaming e Centro GaiásTech

“Os recentes avances no campo da Realidade Virtual, a informática, a tecnoloxía inmersiva e a Intelixencia Artificial, fan que este sexa un momento especialmente emocionante para iniciar este programa de investigación en particular, para producir novos coñecementos de investigación e para desenvolver novas e emocionantes formas que permitan que o público se involucre con diversas ideas científicas”. Con estas palabras resumía David Glowacki (Milwaukee, 1981), a ilusión de comezar unha nova etapa profesional na USC da man do Centro Singular de Investigación en Tecnoloxías Intelixentes da universidade compostelá (CiTIUS) e o programa de captación de talento ‘Oportunius’, da Axencia Galega de Investigación (GAIN). Glowacki desenvolverá o proxecto NANOVR, un ambicioso desafío científico que obtivo o respaldo do Consello Europeo de Investigación (ERC) a través dunha das súas axudas ‘Consolidator Grant’, dotada con case dous millóns de euros, e que ten como obxectivo desenvolver un novo paradigma para o deseño, a enxeñaría e a simulación a escala nanométrica.

Programa:

Ao final do Camiño, o CiTIUS’ (proxección vídeo de presentación David Glowacki)
Benvida e presentación de autoridades (Senén Barro, Director Científico do CiTIUS)
Intervención de Dona Patricia Argerey, Directora da GAIN (Axencia Galega de Innovación)
Intervención de D. Antonio López, reitor da Universidade de Santiago de Compostela (USC)
Charla e demostración tecnolóxica do novo ERC, experto en Realidade Virtual e Aumentada (David Glowacki, investigador ERC Consolidator Grant do CiTIUS contratado a través do programa Oportunius).
Rolda de preguntas e peche do acto

Impartido por

David Glowacki

David é o fundador do grupo de investigación ‘Laboratorio de Realidades Intanxibles’ (IRL, polas súas siglas en inglés), que a partir de agora terá a súa sede no CiTIUS. Glowacki ten traballado amplamente na aplicación da Realidade Virtual á simulación e visualización científica interactiva.

Saber máis