Toxicidade dixital e o seu impacto nos nosos fillos e fillas

26 Feb 2026 De 16:30 a 18:00

Presencial (Centro GaiásTech)

Imparte: Adolescencia Libre de Móviles

O obxectivo da sesión é concienciar a pais e nais dos riscos asociados ao uso de smartphones en idades temperás, e promover un pacto social para atrasar a entrega do primeiro móbil intelixente aos nosos pequenos e mozos ata os 16 anos.

Programa:

Entender mellor como funcionan a día de hoxe as contornas dixitais que usa a rapazada
- Redes sociais
- Plataformas
- Algoritmos
- IA
Tomar conciencia de que estes sistemas non son neutros, senón que están deseñados para captar atención e xerar hábitos.
Reflexionar sobre o impacto real que isto pode ter no benestar, a atención e o desenvolvemento de nenos e adolescentes.
Avaliar criterios e claves prácticas para acompañar nos fogares desde unha mirada realista e non culpabilizadora.

Imparte:

Adolescencia Libre de Móviles

Movemento xurdido en Barcelona (Poblenou), cuxo obxectivo é empoderar ás familias e promover un pacto social para que o máximo número de fogares atrasen a entrega do primeiro smartphone aos seus fillos e fillas e traballar no bo uso para aquelas que xa o teñen.
Neste movemento confluímos máis 30.000 familias e profesionais da saúde, educación e tecnoloxía de toda a xeografía española, con diferentes ideoloxías, relixións e niveis socioeconómicos, co obxectivo compartido de educar e protexer aos nosos fillos e fillas.