Xornada Federación de Librarías de Galicia 2026

13 Out 2026 De 10:00 a 18:00

Presencial (GaiásTech) e Streaming

Imparte: Federación de Librarías de Galicia

A xornada nace coa finalidade de ofrecer ás librarías galegas un espazo de formación, intercambio de experiencias e reflexión sobre os retos actuais do sector.

A través da presentación de boas prácticas, ferramentas para a mellora da xestión e o traballo colaborativo, búscase facilitar a identificación de necesidades e compartir coñecementos e iniciativas que poidan contribuír ao fortalecemento das librarías.A actividade pretende, así mesmo, favorecer a colaboración e o intercambio entre profesionais do sector, xerando un espazo de encontro no que abordar de maneira conxunta problemáticas actuais e posibles liñas de actuación.

Programa:

10:00 – 10:30 | Recepción de asistentes

10:30 – 12:00 | Boas prácticas no sector libreiro

Xavi Vidal – Libraría Nollegiu (Barcelona)

12.00-12.30 Café

Encontro con Xavi Vidal para compartir a experiencia da Libraría Nollegiu e reflexionar sobre boas prácticas no sector libreiro, abordando exemplos reais, retos do día a día e iniciativas que poden contribuír a fortalecer as librarías.

12:30 – 14:00 | CEGAL 360º

Presentación de CEGAL 360º e das ferramentas e servizos que ofrece ás librarías para facilitar a súa xestión, mellorar a súa visibilidade e reforzar a súa presenza no sector.

14:00-16-00 Comida

16:00 – 18:00 | Grupos de traballo

Traballo en grupos para identificar, compartir e analizar as principais problemáticas e necesidades actuais das librarías.
Posta en común e conclusións
Recollida das cuestións abordadas nos grupos, propostas e posibles liñas de actuación para dar resposta ás necesidades detectadas.

Imparte:

Federación de Librarías de Galicia

É unha institución constituída sen fins de lucro, integrada por librarías con establecemento aberto na Comunidade Autónoma de Galicia, que ven desenvolvendo a súa actividade, sen interrupción dende o 29 de outubro de 1977, destaca por defender e promocionar os intereses do sector do libro. Actualmente está formada por 149 librarías.