Este martes no GaiásTech presentouse o proxecto de formación de FEGAUS ás persoas maiores e resto da sociedade en Galicia á Universidade do Envelhecer | Gaiástech

Este martes no GaiásTech presentouse o proxecto de formación de FEGAUS ás persoas maiores e resto da sociedade en Galicia á Universidade do Envelhecer

brasilia_fegaus

O pasado martes 30 de setembro presentouse no Centro GaiásTech a Formación de FEGAUS ás persoas maiores e resto da sociedade en Galicia á Universidade do Envelhecer-UniSER/UnB.

Directamente dende Brasília asistiu Kerolyn Ramos García, Coordinadora Executiva da Universidade do Envelhecer UniSER/UnB, quen presentou o proxecto de investigación para a sua tese relacionado coa formación das persoas maiores nos PUM.

Dende FEGAUS, da man do seu Presidente Alejandro Otero, presentouse o proxecto A Nosa Bela Galicia, que pretende levar un abrazo de calor humana a todos os galegos do mundo, unidos polo amor a Galicia e un idioma común “O Gallego”. Tamén explicou á representante da Universidade do Envelhecer e resto de asistentes a importancia do proxecto FEGAUS en Galicia, tendo en conta o alto porcentaxe de persoas maiores que habitan e a necesidade de ter dito colectivo presente na inclusión das novas tecnoloxías.

En representación de FEGAUS tamén participaron Concepción Ruiz Jarillo, Presidenta da Asociación IV Ciclo de Lugo, vocal de FEGAUS; Pablo Capell Herrero, Director da Secretaría Técnica de FEGAUSRocío Martín, Responsable de planificación da Secretaria Técnica de FEGAUS, que participou cunha intervención en liña.

Por outra banda, Irene Bonome Gradaílle, Xefa do Departamento de Sociedade e Talento Dixital da Amtega, sinalaba que “as persoas maiores son un obxetivo clave, contan co maior interese en Galicia xa que representan máis do 25% da poboación" e que ademáis, “Galicia aposta por universalizar a dixitalización a estes colectivos"

No acto de presentación tamén estiveron presentes Don Antonio Acevedo Prado, director Xeral de Maiores e Atención Sociosanitaria; Montserrat Rodríguez Varela, Directora técnica da Escola Galega de Consumo Instituto Galego do Consumo e da Competencia, que presentou o proxecto Consumo Senior, "un proxecto para informar e formar ás persoas maiores nun consumo Responsable, Eficiente e con Seguridade", apuntaba; Marina Troncoso Rodríguez, Presidenta de Aulas de Formación Aberta e presidenta de CAUMAS María Luisa Mauriz Barreiro, Presidenta de ADAYEUS, Asociación de Alumnos Universitarios de A Coruña