Lanzamento dun curso gratuíto de técnico en ciberseguridade para persoas sen coñecementos previos na materia | Gaiástech

O Instituto Nacional de Ciberseguridade de España (INCIBE) lanza un novo curso de formación gratuíto, en formato MOOC (Massive Online Open Course), dirixido a todas aquelas persoas que queiran incrementar os seus coñecementos en ciberseguridade, co fin de impulsar a captación de talento. 

O MOOC ‘Curso básico técnico de ciberseguridade’, ten como obxectivo ofrecer unha visión xeral das características da tecnoloxía, comezando polos puntos básicos da ciberseguridade, para dar paso a aspectos máis avanzados. O temario complétase a través de 3 temas transversais introdutorios e 4 especialidades:

1. Administración de sistemas de ciberseguridade
2. Introdución á ciberseguridade industrial
3. Análise de incidentes e forense
4. Compliance en ciberseguridade

Características da formación:

• Formación gratuíta e en liña
• 250 horas distribuídas cun alto compoñente práctico
• 17 semanas, do 11 de abril ao 8 agosto 2023
• Estimación de dedicación por parte do alumnado de 14 horas semanais
• Posibilidade de adaptación do tempo de realización dentro do prazo definido
• Certificado de realización da formación ao superar todos os tests do curso cun mínimo dun 75% de acertos, participar activamente no foro e encher a enquisa de satisfacción final

O curso está dirixido a persoas que, sen coñecementos previos, valoren a ciberseguridade como profesión, ofrecendo unha gran variedade de exercicios prácticos e un equipo docente como apoio durante o curso.

Para máis información, pódense consultar as seguintes ligazóns:

• Detalles do curso: https://www.incibe.es/academiahacker/formacion-ciberseguridade 
• Vídeo de benvida: https://vimeo.com/811941073
• Inscrición: https://formacion-incibe.es/login/index.php
• Dúbidas e consultas: escribir a formacion-online@incibe.es