Obxectivos
O obxectivo común do nodo de ciberseguridade galego CIBER. gal é favorecer unha contorna dixital segura e afrontar, de forma colaborativa, os retos aos que se deben enfrontar empresas, cidadáns e administracións para protexer os seus activos no ciberespazo.
Así mesmo, dentro do obxectivo común, se desagregan os seguintes obxectivos estratéxicos:
Formación e concienciación
Facer chegar e concienciar sobre a ciberseguridade á sociedade, administracións públicas e empresas galegas
Accións:
- Formación e concienciación a Pemes, administracións locais e cidadáns.
- Provisión de servizos básicos de monitoraxe de resposta ante incidentes e cumprimento de normativa.
- Certificación de empresas e entidades locais en base a servizos e ferramentas de INCIBE e CCN CERT.
Resposta a retos
Dar resposta coordinada a retos complexos en entidades con necesidades específicas
Accións:
- Resposta a necesidades específicas de sectores tractores en Galicia (agroalimentación, automoción, banca, etc.).
- Apoio a necesidades estratéxicas da Xunta de Galicia (educación, sector primario, envellecemento, turismo, etc.).
- Promoción de iniciativas vinculadas a tendencias tecnolóxicas de impacto sectorial en ciberseguridade (aeronáutica e automoción, entre outros).
- Xeración de proxectos tractores de transformación da administración orientados á xeración de produtos innovadores.
Fomento do talento
Promover a xeración, atracción e retención de talento especializado, investigación e transferencia tecnolóxica
Accións:
- Identificación, captación, xeración e retención de profesionais en ciberseguridade a nivel nacional.
- Posta en marcha e execución coordinada de proxectos de I+D+i en ciberseguridade de carácter nacional e internacional, en particular no ámbito europeo.
- Fomento da formación en todos os niveis educativos e potenciación da Formación Profesional (FP) en ciberseguridade.
- Mellora da conexión do sector académico-investigador coa industria de ciberseguridade, potenciando a transferencia de tecnoloxía e coñecemento.
Posicionamento estratéxico
Posicionar o nodo CIBER. gal a nivel nacional e europeo
Accións:
- Participación en foros e reunións nacionais e internacionais en materia de ciberseguridade
- Establecemento de convenios de colaboración con outras axencias a nivel estatal e internacional en materia de ciberseguridade
Impulso á industria
Desenvolver e potenciar a industria da ciberseguridade en Galicia
Accións:
- Impulso á creación e aceleración de empresas con produtos específicos no ámbito da ciberseguridade.
- Facilitación no acceso das empresas ao mercado exterior.
- Demostración/ testeo de tecnoloxías en administracións públicas e grandes empresas.
- Procura de financiamento para proxectos de I+D+i
- Promoción na cooperación e colaboración (tanto a nivel colectivo como de socios individuais) con outras posibles redes de excelencia ou plataformas tecnolóxicas nacionais, europeas ou internacionais.