GaiásTech celebra a oitava edición da iniciativa #MesD, cun ciclo de formacións sobre marketing dixital
- Constará de cinco sesións en liña que se desenvolverán durante o mes de abril e maio
- Os talleres sobre o deseño dunha estratexia de marketing están dirixidos a empresarios, emprendedores, directores xerais, directores de márketing que queiran mellorar a súa presenza dixital.
- As inscricións son gratuítos e o prazo para participar está xa aberto
- Trátase da oitavaedición do programa #MesD, impulsado polo GaiásTech
O centro GaiásTech acollerá en abril e maio un novo ciclo de accións formativas sobre marketing dixital para deseñar unha estratexia de marketing dun negocio, enmarcado no programa #MesD.
O #MesDMarketing é unha iniciativa do Centro GaiásTech da Axencia para a Modernización Tecnolóxica de Galicia, que se desenvolverá durante o mes de abril e maio cunha serie de actividades para todas as persoas interesadas en mellorar as súas habilidades en marketing dixital. A inscrición é gratuíta e aberta para todo o mundo.
Durante o #MesDMarketing, abordaranse temas como a posta en marcha dunha estratexia de Marketing Inbound,
o posicionamento SEO, SEM, a efectividade da publicidade dixital mediante social ads, e como deseñar un plan de contidos para Social Media e metodoloxía para implementalo.
Todos os talleres, de unha hora e media de duración, comezarán ás 17:00 h e poderanse seguir en liña. Serán impartidos por José Alcañiz, Fernando Mosquera e Melisa Piñeiro, da axencia de márketing ESTEREA.
Máis información sobre as formacións e acceso ás inscricións:
A primeira actividade do mes, "Como poñer en marcha unha Estratexia de Marketing Inbound e non morrer no intento", levarse a cabo o 13 de abril e terá como obxectivo analizar o estado da arte en márketing dixital, segmentación de clientes, ciclos de compra, ferramentas de márketing dixital, metodoloxía e procedementos para a posta en marcha con éxito
A segunda actividade, que se desenvolverá o 20 de abril, leva por título "SEO: O posicionamento en buscadores en tempos da IA" e ten como obxectivo ver o funcionamento de Google, factores onpage e offpage, o reto da IA, metodoloxía e ferramentas para facer unha auditoría SEO completa.
A actividade do mércores 26 de abril no marco do #MesDMarketing será "SEM: Sácalle todo o partido ao investimento en Google Ads". O obxectivo desta sesión é aprender os distintos tipos de campañas de Google Ads, usos recomendados, quality score, optimización de campañas, métricas e ferramentas.
O evento do día 03, titulado "Social Ads. A publicidade dixital máis efectiva?", ofrecerá un programa completo para aprender as posibilidades de segmentación, tipos de campañas e métricas de referencia vía Meta Ads, Twitter Ads, Linkedin Ads, TikTok Ads. Factores de éxito, .
A quinta e última actividade do MesD, "Como deseñar un plan de contidos para Social Media e metodoloxía para implementalo", que se levará a cabo o 10 de maio, ten como obxectivo deserñar un plan de contidos, obxectivos, perfís, bloques de contidos, canles...Metodoloxía e ferramentas para implementalo e planificar contidos con éxito.